Skessuhorn:

KB banki og Björgunarfélag Akraness í samstarf

3. maí 2006

Björgunarfélag Akraness og KB banki á Akranesi hafa gert með sér 5 ára samstarfssamning sem felur m.a. í sér beinan fjárstuðning bankans til Björgunarfélagsins næstu 5 árin. Bankinn tekur einnig að sér að fjármagna húsbyggingu þá sem félagið er að ráðast í á mjög góðum kjörum sem mun, að sögn Ásgeirs Arnar Kristinssonar, formanns BA létta félaginu róðurinn við framkvæmdina. Í staðin fær KB banki m.a. pláss til auglýsinga á heimasíðu Björgunarfélagsins, á tækjum, í blaði og annarsstaðar þar sem Björgunarfélagið er að setja fram kynningarefni.