Skessuhorn:

Jovan Zdravevski besti leikmaður Skallagríms

9. maí 2006

Jovan Zdravevski var útnefndur besti leikmaður Skallagríms í

lokahófi meistaraflokks Skallagríms í körfubolta  sem var haldið á Hótel Hamri á laugardagskvöldið. Var það bæjarstjórn Borgarbyggðar sem að bauð leikmönnum liðsins og velunnurum upp á veitingar og var stemningin í hófinu mikil.  

Valur Ingimundarson, þjálfari liðsins,  veitti tveimur leikmönnum viðurkenningar en þær komu í hlut Jovan Zdravevski sem, eins og áður sagði,  var valinn besti leikmaður liðsins og Heiðars Lind Hanssonar sem þótti efnilegastur. Ólafi Helgasyni var veitt gjöf frá félaginu, en hún var til þakklætis fyrir það frábæra starf sem hann vinnur fyrir félagið. Mikið var um ræðuhöld og Sparisjóður Mýrasýslu veitti deildinni veglegan styrk í hófinu.