Skessuhorn:

Gunnar gerir hosur sínar vinstri - grænar

17. maí 2006

Framsóknarflokkurinn fékk 26% í kosningunum 2002 en fengi samkvæmt könnuninni tæp 12% og einn bæjarfulltrúa. Um 6% segjast ætla að kjósa Frjálslynda flokkinn sem býður nú fram í fyrsta sinn á Akranesi.

Gallup segir að umtalsverðar breytingar þurfi að verða á fylgi flokkanna til þess að breyta þessari skiptingu bæjarfulltrúa. Svarhlutfall í könnuninni var tæp 64% og af þeim tók tæplega 77% afstöðu.

Gísli Einarsson, fréttamaður RUV ræddi við oddvita framboðanna á Akranesi í Kastljósi Sjónvarpsins í kvöld. Sérstaka athygli vakti að í lok þátttarins gerði Gunnar Sigurðsson, oddviti Sjálfstæðisflokks hosur sínar örlítið vinstri grænar þegar hann sagði að margt væri sambærilegt í áherslumálum Vinstri hreyfingarinnar græns framboðs og Sjálfstæðisflokks. Ef kosningarnar fara á líkan hátt og síðustu tvær skoðanakannanir sýna gætu þessir flokkar myndað meirihluta í bæjarstjórn Akraness.