Skessuhorn:

Vilja malbikun Hólmaflatar nú þegar

19. maí 2006

Húsbyggjendur og íbúar við Hólmaflöt á Akranesi hafa sent bæjaráði bréf þar sem farið er þess á leit að nú þegar verði boðið út lagning varanlegs slitlags og gangstétta við Hólmaflöt „með það að markmiði að framkvæmdum ljúki á næstu vikum,“ eins og segir í bréfinu. Rætt var um málið á fundi bæjarráðs og var bókað að umrædd framkvæmd væri á framkvæmdaáætlun ársins og var bréfinu vísað til umfjöllunar tækni- og umhverfissviðs bæjarins.