Skessuhorn:

Skagamenn sitja á botninum eftir tap gegn KR

20. maí 2006

KR-ingar fengu í dag sín fyrstu stig í úrvalsdeild karla í knattspyrnu þegar þeir lögðu Skagamenn á Akranesi 2:1. Skagamenn sitja hinsvegar eftir á botninum, án stiga eftir tvo leiki. Tvö rauð spjöld fór á loft á leiknum á Akranesi í dag.

Guðmundur Reynir Gunnarsson, 17 ára KR-ingur, skoraði fyrsta mark leiksins eftir 20 mínútur, með skoti frá vítateig eftir sendingu Rógva Jacobsens. Arnar Gunnlaugsson jafnaði sjö mínútum síðar úr vítaspyrnu eftir að Tryggvi Bjarnason braut á Hirti J. Hjartarsyni, 1:1 í hálfleik.

Grétar Ólafur Hjartarson kom KR yfir á ný á 51. mínútu með laglegu skoti beint úr aukaspyrnu af 18 metra færi, 2:1. Grétar var síðan rekinn af velli á 73. mínútu eftir samstuð við Bjarka Frey Guðmundsson markvörð ÍA en af sjónvarpsmyndum máttu glögglega sjá að það var rangur úrskurður hjá Garðari Erni Hinrikssyni dómara.

Bjarki Freyr, markvörður ÍA, var einnig rekinn af velli, á 87. mínútu, fyrir að slá Rógva Jacobsen, Skagamenn höfðu þá notað allar innáskiptingar sínar þannig að Hjörtur J. Hjartarson, sóknarmaður þeirra, fór í markið. Hann var þar í einar 10 mínútur því hvorki meira né minna en sjö mínútum var bætt við leiktímann vegna tafa.

Sjá nánari lýsingu af leiknum í Skessuhorni í næstu viku.