Skessuhorn:

Engar formlegar meirihlutaviðræður í Dalabyggð

31. maí 2006

Ekki eru hafnar formlegar meirihlutaviðræður í Dalabyggð enn sem komið er. Sem kunnugt er voru þrír listar þar í framboði. H-listi fékk tvo menn kjörna, N-listi hlaut þrjá menn kjörna og V-listi hlaut tvo menn kjörna. Gunnólfur Lárusson oddviti N-lista segir óformlegar viðræður hafa átt sér stað undanfarna daga á milli lista en engar formlegar viðræður séu ennþá hafnar. Hann treystir sér ekki til að spá um hversu langan tíma taki að mynda meirihluta.