Skessuhorn:

Áætlanir um gríðarlegar framkvæmdir á Bifröst

2. júní 2006

Stjórn Viðskiptaháskólans á Bifröst hefur samþykkt áætlun um að hefja mikla uppbyggingu sem áætlað er að kosti um 5 milljarða króna og stefnir á að tvöfalda umsvif sín á næstu þremur til fimm árum. Í samanburði við þessa upphæð er áætlað að heildarkostnaður við uppbyggingu á staðnum á síðustu árum hefur verið á þriðja milljarð króna. Gera á skólann í fremstu röð og samkeppnishæfan á alþjóðlegum markaði. Í heildina eru um 450 nemendur við nám í skólann í dag auk 250 sem stunda þar fjarnám en stefnt er að koma heildar nemendafjölda í 1200 manns á næstu 3-5 árum.

Runólfur Ágústsson rektor skólans segir að stefnt væri að því að aðstaðan yrði sem best gerist í háskólum erlendis.

Í uppbyggingarátluninni er gert ráð fyrir að bæta við kennaradeild við námsframboðið og í tengslum við það myndi grunnskóli vera byggður á staðnum auk hótels, íþróttasvæðis og húsnæðis fyrir nemendur og kennara. Stór hluti af framkvæmdakostnaði mun falla á sveitarfélagið Borgarbyggð, eða kostnaður við leik- og grunnskóla og e.t.v. einnig íþróttamannvirki.