Skessuhorn:

Dæmdur fyrir brot á lögum um atvinnuréttindi útlendinga

28. júní 2006

Héraðsdómur Vesturlands hefur dæmt verktaka á Akranesi til greiðslu 315 þúsund króna sektar auk 229 þúsund króna málskostnaðar fyrir brot á lögum um atvinnuréttindi útlendinga.

Lögreglunni á Akranesi barst í nóvember árið 2005 ábending um að verktakinn hefði hugsanlega í vinnu útlendinga, án tilskilinna atvinnuleyfa.  Rannsókn leiddi í ljós að tveir Litháar voru við störf hjá verktakanum sem og að þeir störfuðu án atvinnuleyfis.  Verktakinn hafði sótt um leyfi fyrir þá en fengið synjun. Héraðsdómi þótti sannað að verktakinn hafði brotið gegn lögum um atvinnuréttindi útlendinga.