Skessuhorn:

Skólastjóri Varmalandsskóla segir upp

30. júní 2006

Flemming Jessen skólastjóri Grunnskólans á Varmalandi hefur sagt upp starfi sínu frá og með 1. nóvember 2006. Byggðaráð Borgarbyggðar hefur vísað málinu til fræðslunefndar.

Í skólanum eru tæplega 200 börn af öðrum svæðum Mýrasýslu en Borgarnesi og Mýrum.  Borgarbyggð og Hvítársíðuhreppur voru rekstraraðilar skólans fyrir sameiningu sveitarfélaga í vor. Varmalandsskóli er einsetinn heimangönguskóli og eru allir nemendur í daglegum akstri.

Skólamál í sveitarfélaginu hafa nokkuð verið í umræðunni að undanförnu vegna hugmynda um stórfellda uppbyggingu á Bifröst. Hugsanlegt er að skólahald á Varmalandi leggist af verði af þeirri uppbyggingu.