Skessuhorn:

Þrettándabrenna á Seleyri við Borgarnes

5. janúar 2007

Haldin verður brenna og flugeldasýning á Seleyri sunnan Borgarness á þrettándanum, laugardaginn 6. janúar. Brennan er haldin í samvinnu Borgarbyggðar og björgunarsveitarinnar Brákar. Kveikt verður í brennunni klukkan 18:00 og fyrir flugeldasýninguna mun sönghópur unglinga syngja nokkur jóla- og áramótalög undir stjórn og við undirleik Steinunnar Árnadóttur.  Brennustjóri er Halldór Sigurðsson hjá HS-Verktaki en flugeldasýningin er haldin með sérstökum tilstyrk Sparisjóðs Mýrasýslu.  

Myndin er tekin frá Seleyri, yfir fjörðinn og að Borgarnesi.