Skessuhorn:

Landvinnsla á Akranesi eflist við brotthvarf Engeyjar

5. janúar 2007

Eggert Guðmundsson forstjóri HB Granda hf. segir brotthvarf Engeyjar úr flota fyrirtækisins að sjálfsögðu hafa í för með sér nokkrar breytingar í starfsemi fyrirtækisins hér á landi bæði í veiðum og vinnslu. Hann segir að önnur uppsjávarveiðiskip fyrirtækisins, sem í dag eru Ingunn AK, Faxi RE, Guðrún Þorkelsdóttir SU og Víkingur AK,  muni veiða þann kvóta sem Engey veiddi. Þá muni landvinnsla fyrirtækisins á Akranesi og á Vopnafirði eflast.

Í áhöfn Engeyjar eru um 50 manns og verður þeim sagt upp. Eins og fram hefur komið munu hins vegar lykilstöður um borð í Engey í framtíðinni verða mannaðar Íslendingum. Eggert segir ekki afráðið hversu margir þeir verði en það verði væntanlega á bilinu 12-16 manns. Ekki hafi hins vegar verið gengið frá ráðningu þeirra. Skipið mun halda utan í apríl og munu því klára komandi loðnuvertíð hér við land.