Skessuhorn:

Foreldrar leikskólabarna ósáttir við seinkun framkvæmda

8. janúar 2007

Foreldrafélag leikskólans Garðasels á Akranesi hafa sent bæjarstjórn Akraness undirskriftarlista þar sem lýst er yfir óánægju með að framkvæmdum skuli ekki hafa verið lokið við gerð bílastæðis við leikskólann. Fram kemur að framkvæmdir við bílastæðið hafi staðið yfir í 10 vikur þegar foreldrar rita nöfn sín á listann en upphaflega hafi verið gert ráð fyrir að framkvæmdir tækju tvær vikur.

„Aðgengi að leikskólanum er óásættanlegt. Foreldrar hafa sýnt mikla þolinmæði og mikinn skilning en nú er þolinmæðin borstin. Við foreldrar krefjumst þess að bæjaryfirvöld bregðist skjótt við og sjái til þess að verktakinn mæti á svæðið og klári verkið strax“ segir orðrétt í undirskriftarlistanum. Bæjarráð vísaði undirskriftarlistanum til tækni- og umhverfissviðs bæjarins.