 Í Stykkishólmi var í dag opnaður nýr leikskóli að Búðarnesvegi, en þar hefur risið glæsileg 600 fm bygging á stuttum tíma, sem mun gjörbreyta allri aðstöðu fyrir bæði börn og starfsfólk. Arkitektastofan Arkís hannaði bygginguna en Guðrún Ingvarsdóttir arkitekt sá að mestu um hönnun innanhúss. Sigrún Þórsteinsdóttir, leikskólastjóri segir að nýi leikskólinn rúmi allt að 80 börn og þarfir þeirra hafi verið látnar ganga fyrir við hönnun húss og fékk starfsfólk heilmiklu um ráðið við þróun byggingarinnar. Deildirnar eru stærri en gengur og gerist, meira rými sé til þess að hreyfa sig og mikið er lagt upp úr því að börnin fái frið og ró. Rætt er nánar við Sigrúnu og Erlu Friðriksdóttur, bæjarstjóra í Stykkishólmi í Skessuhorni sem kemur út nk. miðvikudag.
|
