Skessuhorn:

Byggðastyrkir leyfilegir í öllu Norðvesturkjördæmi

17. janúar 2007

Eftirlitsstofnun EFTA (ESA) hefur tekið ákvörðun um nýtt byggðakort fyrir Ísland sem gildir til ársins 2013. Samkvæmt því verður íslenskum stjórnvöldum heimilt að veita byggðastyrki á stærstum hluta landsins. Samkvæmt reglum Evrópusambandsins eru ríkisstyrkir til atvinnurekstrar óheimilir. Þó er heimilt að uppfylltum ákveðum skilyrðum að veita byggðastyrki meðal annars á svæðum þar sem fjöldi íbúa er minni en sem nemur 12,5 á hvern ferkílómeter.

Í ákvörðun ESA nú felst að íslensk stjórnvöld mega veita byggðastyrki á tímabilinu 1. janúar 2007 til 31. janúar 2007 í öllum sveitarfélögum landsins, nema Reykjavík. Kópavogsbæ, Seltjarnarneskaupstað, Garðabæ, Hafnarfjarðarkaupstað, Álftanesi, Mosfellsbæ, Reykjanesbæ, Grindavíkurbæ, Sandgerðisbæ, Garði, Vogum og Kjósahreppi. Á öðrum svæðum, þar sem nú búa 31,5% þjóðarinnar, er heimilt að veita byggðastyrki.

Frá 1. janúar 2008-31. desember 2013 verður í gildi ný flokkun en hún tekur mið af núverandi kjördæmaskipan. Samkvæmt þeirri flokkun mega íslensk stjórnvöld veita byggðastyrki í öllum þeim sveitarfélögum sem falla undir landsbyggðarkjördæmin þrjú það er Norðvesturkjördæmi, Norðausturkjördæmi og Suðurkjördæmi. Í þessum kjördæmum þremur búa 1,2 íbúar á hvern ferkílómeter. Á hinum hluta landsins, þar sem byggðastyrkir verða ekki leyfilegir, búa hins vegar 181 íbúi á hvern ferkílómeter.

Þrátt fyrir að byggðastyrkir séu leyfilegir þarf að tilkynna öll áform um slíka styrki til ESA og þeir mega ekki fara umfram ákveðið hlutfall af fjárfestingarkostnaði.