Skessuhorn:

Íþróttahátíð UMSB og kjör íþróttamanns Borgarfjarðar 2006

2. febrúar 2007

Á morgun, laugardaginn 3. febrúar verður hin árlega íþróttahátíð UMSB í íþróttahúsinu í Borgarnesi. Hátíðin hefst á sundmóti kl. 10:30 og frjálsíþróttamóti í framhaldinu sem hefst klukkan 14. Á undanförnum árum hafa um 200 krakkar keppt á íþróttahátíðinni. Klukkan 13 verða afhent sérverðlaun í frjálsum íþróttum og sundi fyrir árið 2006. Síðan verður kjöri íþróttamanns Borgarfjarðar 2006 lýst og fá 10 efstu í kjörinu verðlaunagripi. Aðildarfélög UMSB og íþróttadeildir þeirra félaga sem eru deildaskipt tilnefna í kjörið. Kosningarétt hafa sömu aðilar og tilnefna ásamt stjórnarmönnum í UMSB.

Eftirtalin hafa verið tilnefnd til íþróttamanns Borgarfjarðar. Raðað eftir stafrófsröð:

Axel Kárason körfuknattleikur, Berþór Jóhannesson frjálsar íþróttir, Flosi Ólafsson hestaíþróttir, Gauti Jóhannesson frjálsar íþróttir, Hafþór Ingi Gunnarsson körfuknattleikur, Hallbjörg Erla Fjeldsted sund. Hugrún Eva Valdimarsdóttir körfuknattleikur. Ómar Örn Ragnarsson golf, Pálmi Þór Sævarsson körfuknattleikur, Sigurður Þórarinsson sund, Tinna Kristín Finnbogadóttir skák, Trausti Eiríksson badminton og Valdimar K. Sigurðsson knattspyrna.