Skessuhorn:

Hollenskir gestir hjá Bridsfélagsmönnum í Borgarfirði

13. febrúar 2007

Þegar þriðjungur er eftir af aðalsveitakeppni Bridsfélags Borgarfjarðar er staðan sú að sveit Sveins Hallgrímssonar hefur nauma forystu með 219 stig á sveit Guðjóns Karlssonar og félaga úr Borgarnesi með 205 stig. Í þriðja sæti eru þau Jón og Ella, Ingimundur og Karvel með 181 stig. Hæsta skor sl. mánudagskvöld áttu þau síðasttöldu (71) og þá voru Sveinbjörn og Lárus ásamt Jóni og Baldri á góðri siglingu sem og þeir Sindri og Egill ásamt Guðmundi og Þorsteini. Félagið fékk góða gesti sl. mánudagskvöld þegar par úr hollenska bridslandsliðinu sótti félagið heim ásamt spilapari úr Reykjavík og öttu kappi við yfirsetusveitirnar.

Gestirnir höfðu á orði að þeir hafi viljað heimsækja það bridsfélag á landinu þar sem vöxturinn væri mestur í íþróttinni og varð Borgarfjörður sjálfvalinn í því augnamiði.

Staðan í mótinu er nú þessi: