 Haraldur Benediktsson var endurkjörinn formaður Bændasamtaka Íslands til næstu þriggja ára á Búnaðarþingi í dag. Kosningin var mjög afgerandi því hann fékk 46 af 49 greiddum atkvæðum, tveir seðlar voru ógildir (annar með nafni Guðna Ágústssonar) og einn auður. Sex aðalmenn í stjórn Bændasamtaka Íslands voru kosnir. Af sitjandi stjórnarmönnum gáfu þrír ekki kost á sér, þau Gunnar Sæmundsson, Sigríður Bragadóttir og Guðmundur Jónsson. Sveinn Ingvarsson (46 atkvæði), Sigurbjartur Pálsson (43 atkv.) og Jóhannes Sigfússon (40 atkv.) voru endurkjörnir og með þeim í stjórn voru kjörin Karl Kristjánsson (33 atkv.), Svana Halldórsdóttir (33 atkv.) og Þorsteinn Kristjánsson (27 atkv).
|
