Skessuhorn:

ÍA vann fjölda meistaratitla í badminton

13. mars 2007

Um síðustu helgi fór Íslandsmót unglinga í badminton fram í Hafnarfirði. Badmintonfélag Akraness sendi fjölda þátttakenda á mótið og stóðu þeir sig vel. Leikið var í nokkrum aldursflokkum; U-11 snáðar og snótir, U-13 hnokkar og tátur, U-15 sveinar og meyjar, U-17 drengir og telpur og U-19 piltar og stúlkur. Skagamönnum gekk vel á mótinu og unnu 10 bikara í A flokki, auk þess sem margir sigrar unnust í B, C og D flokkum. Hanna María Guðbjartsdóttir vann það frækna afrek að verða þrefaldur Íslandsmeistari í A flokki og Steinn Þorkelsson varð tvöfaldur Íslansdmeistari í sama flokki.

Á meðfylgjandi mynd má sjá Íslandsmeistara ÍA í A-flokki.

Íslandsmeistarar ÍA í A flokki:

-Hnokkar einliðaleikur – Steinn Þorsteinsson

-Hnokkar tvíliðaleikur – Jóhannes Þorkelsson og Steinn Þorkelsson

-Sveinar tvíliðaleikur – Eiríkur Bergmann Henn ásamt Jóhanni Felix Jónssyni TBR

-Drengir tvíliðaleikur – Ragnar Harðarson og Kristján Huldar Aðalsteinsson

-Stúlkur einliðaleikur – Hanna María Guðbjartsdóttir

-Stúlkur tvíliðaleikur – Hanna María Guðbjartsdóttir og Una Harðardóttir

-Stúlkur/piltar – Hanna María Guðbjartsdóttir ásamt Daníel Thomsen TBR