Skessuhorn:

Aðalfundur Krabbameinsfélags Borgarfjarðar

19. mars 2007

Krabbameinsfélag Borgarfjarðar heldur aðalfund sinn þriðjudaginn 20. mars klukkan 20:00 í Alþýðuhúsinu Borgarnesi. Á fundinn mætir Gunnjóna Una Guðmundsdóttir félagsráðgjafi hjá Krabbameinsfélagi Íslands og mun flytja fyrirlestur um rannsóknir á áhrifamætti bænarinnar og kynnir einnig stuðning Krabbameinsfélagsins við krabbameinssjúklinga og aðstandendur þeirra.  Krabbameinsfélag Borgarfjarðar byggir starfsemi sína á sjálfboðavinnu og hefur það að markmiði að geta stutt fjárhagslega við bakið á þeim sem glíma við krabbamein. Félagsgjöld eru ein af okkar tekjulindum og með auknum fjölda félagsmanna verður okkur gert kleift að gera en betur.

Á fundinn eru allir velkomnir hvort sem þeir eru félagar, vilja gerast félagar eða vilja bara hlíða á áhugaverðan fyrirlestur.

Fréttatilkynning f.h. félagsins,

Sigríður Helga Skúladóttir