 Lyfja opnaði í nýju húsnæði í Stykkishólmi síðastliðinn miðvikudag. Húsið sem starfsemin er nú komin í er reist af Skipavík og er allt hið glæsilegasta, en það er um 80 fermetrar að stærð. Sigurbjörn Gunnarsson, framkvæmdastjóri Lyfju bauð gesti velkoman og lýsti fyrir þeim húsnæðinu og byggingu þess og sagði að við þessa bættu aðstöðu yrði allt aðgengi betra fyrir starfsfólk og viðskiptavini. Einnig hefði vöruúrval aukist talsvert, mest þó í snyrtivörum. Sigurbjörn notaði tækifærið og veitti styrki. Grunnskólinn fékk styrk sem Gunnar Svanlaugsson, skólastjóri tók á móti hönd skólans og einnig veitti Lyfja Dvalarheimilinu styrk og fyrir hönd þess tók Jóhanna Guðbrandsdóttir við fjárstuðningnum.
|
Á myndinni er Sigurbjörn Gunnarsson, framkvæmdastjóri Lyfju að bjóða gesti velkomna og opna nýja húsnæðið formlega. Til hliðar má sjá Svölu Birnu Magnúsdóttur, lyfjafræðing og Guðlaugu Ágústsdóttur umsjónarmann. Lyfja í Stykkishólmi verður rekið sem útibú frá apótekinu í Borgarnesi.
|
