 Þeir voru hressir vinirnir Benedikt, Helgi Rafn og Róbert Magnús úr 5. bekk Grunnskólans í Grundarfirði þgar þeir voru að leika sér við kirkjuna í Grundarfirði í síðustu viku. “Við erum búnir í prófunum,” sögðu þeir félagar móðir og másandi. “Við erum að æfa wrestling og er það svaka gaman. Við fylgjumst með því í sjónvarpinu. Svo æfum við líka allir frjálsar íþróttir og svo ætlum við að fara að æfa karate í sumar.” Þeir segjast þó ekki vera alveg búnir í skólanum. “Við eigum eftir að klára samfélagsfræðiverkefni og erum að fara að búa til gömul föt eins og fólkið var í í gamla daga,” og þar með voru þeir roknir.
|
