Skessuhorn:

Víkingur Ó. fær Njarðvík í heimsókn

25. maí 2007

Víkingur Ólafsvík tekur á móti Njarðvík á Ólafsvíkurvelli í kvöld klukkan 20. Víkingur hefur tapað báðum leikjum sínum í deildinni til þessa og er í næstneðsta sæti deildarinnar. Liðið tapaði gegn báðum Akureyrarliðunum, 1-0 gegn KA og 2-1 gegn Þór. Báðir leikirnir fóru fram norðan heiða og leikurinn í kvöld er fyrsti heimaleikur Víkings. Njarðvík hefur gert jafntefli í báðum sínum leikjum og er í sjötta sæti deildarinnar.