 Fimmtudaginn 17. maí sl. var hinn árlegi hjóladagur á Akranesi haldinn á lóð Grundaskóla. Að deginum stóðu Slysavarnadeild kvenna á Akranesi, Grundaskóli, Brekkubæjarskóli, Rauði krossinn og lögreglan. Settar voru upp fjölbreyttar hjólaþrautir sem börn á öllum aldri spreyttu sig á. Félagar í Rauða krossinum sáu um að stilla hjólahjálma og lögreglan skoðaði hjólin en mikilvægt er að hvort tveggja sé í lagi til að auka öryggi barna í umferðinni. Í lok dagskrá söfnuðust allir saman í félagsaðstöðu skólans þar sem Valgerður Helgadóttir, nemandi í Brekkubæjarskóla sagði frá reynslu sinni af reiðhjólaslysi sem hún lenti í í vetur og hvernig reiðhjólahjálmur bjargaði lífi hennar.
|
Í lokin var dregið í happdrætti og allir fengu svaladrykk í boði Einars í Einarsbúð. Þess skal getið að hluta af hjólaþrautunum höfðu nemendur í Grundaskóla útbúið í smíði hjá þeim Margréti Þorvaldsdóttur og Ruth Jörgendóttur, þar á meðal voru rampar, torfæra, vegasalt og vegleg umferðarmerki. Eru þeim færðar bestu þakkir fyrir þeirra framlag til hjóladagsins.
|
