Skessuhorn:

Sextíu ár frá mannbjörg við Látrabjarg

22. júní 2007

Á morgun verður haldin minningarathöfn í tilefni af því að 60 ár eru liðin frá strandi breska togarans Dhoon við Látrabjarg. Þar var 12 manns af 16 manna áhöfn bjargað á frækilegan hátt og markar þessi atburður djúp spor í björgunarsögu landsins. Athöfnin hefst við minnisvarða við Geldingsskorardal á Látrbjargi og mun Sigurgeir Guðmundsson, formaður Slysavarnarfélagsins Landsbjargar, halda ræðu. Þá mun Gísli Már Gíslaon stikla á stóru um björgunina áður en Alp Mehmet, sendiherra Breta á Íslandi, tekur til máls. Þá flytur Sr. Sveinn Valgarðsson blessunaroðr áður en gengið er að Setnagjá þar sem gott útsýni er yfir Flaugarnef.

Klukkan 11.30-14 verður haldin sigsýning við vitann. Sigið verður í bjargið á gamla mátann - gestum er bent á að taka með sér kíki/sjónauka. Klukkan15-18 verður kaffisamsæti á Hnjóti í boði Slysavarnafélagsins Landsbjargar. Ókeypis aðgangur að Minjasafni Egils Ólafssonar milli klukkan á sama tíma í boðið safnsins. Sýning um strandið er á safninu á Hnjóti þar sem sýndir eru munir og myndir sem tengjast björgunarafrekinu. Egill Ólafsson, stofnandi Minjasafnsins var einn af björgunarmönnum og setti upp sýninguna sem tileinkuð er þessum atburði.