 Bilun varð í götustreng við Heiðarbraut á Akranesi laust fyrir miðnætti í gærkvöldi með þeim afleiðingum að straumlaust varð í tólf til fjórtán húsum. Viðgerð stendur yfir og rafmagn er komið á í öllum húsunum nema fjórum, en reiknað er með að rafmagn komist á í þeim um kaffileytið í dag. Eiríkur Hjálmarsson, fjölmiðlafulltrúi OR, sagði í samtali við Skessuhorn að ekki væri vitað hvað olli biluninni, menn hefðu ekki séð neitt sérstakt að. Rafmagnsstrengir biluðu hins vegar eins og öll önnur mannana verk.
|
