 Á heimasíðu Áburðarverksmiðjunnar kemur fram að síðan í janúar hafi innkaupsverð á áburði hækkað um 50%, en þá boðaði fyrirtækið og aðrir áburðarsalar hér á landi allt að 80% hækkun milli ára á áburði. Nú er helsta ástæða hækkaðs verðs gengislækkun íslensku krónunnar. Frekari verðhækkun hefur því verið boðuð og verður ávinningur bænda sem þegar hafa tryggt sér áburð og fest verðið, því mikill. Áætlað er að þær hækkanir sem þegar hafa litið dagsins ljós á áburði auki kostnað við framleiðslu á hverjum mjólkurlítra um tæpar 5 krónur. Á heimasíðu Áburðarverksmiðjunnar segir að tekið verði tillit til gengishækkana í nýjum verðlista frá fyrirtækinu sem tekur gildi 10. apríl nk.
|
