Aukaleikara vantar í Dagvaktina

Saga Film óskar eftir fólki á öllum aldri, af öllum stærðum og gerðum til þess að fara með ýmis lítil hlutverk og aukahlutverk í sjónvarpsþáttunum Dagvaktinni. Þættirnir eru sem kunnugt er framhald af hinum geysivinsælu þáttum Næturvaktin og verða teknir upp á Hótel Bjarkalundi.

Tökur fara fram á tímabilinu frá 14. apríl til 20. maí og þeir sem hafa áhuga á að fá hlutverk í þáttunum eru beðnir um að mæta í Hótel Bjarkalund á föstudag, þann 4. apríl, milli kl. 14-18. Einnig er hægt að senda upplýsingar með mynd á netfangið aukaleikarar@sagafilm.is.