 Síðasta laugardag var opinn dagur í Fjölbrautaskóla Snæfellinga. Að sögn Guðbjargar Aðalbergsdóttur skólameistara heppnaðist dagurinn mjög vel. Nærri 200 gestir á öllum aldri litu við í skólanum, kíktu á kaffihúsið í matsalnum þar sem meðal annars annars mátti hlýða á tónlist og skemmtiatriði meðan veitingum í boði skólans voru gerð skil. Guðbjörg segir að megin tilgangur opna dagsins hafi verið að opna skólann fyrir samfélaginu sem hann er í. „Það vill brenna við að skólar verði svolítið eins og ríki í ríkinu. Á þennan hátt vildum við sýna samfélaginu í kringum okkur hvað verið er að vinna hér og fá íbúana til að kíkja í heimsókn."
Nánari umfjöllun og fleiri myndir frá opna deginum má sjá í nýjasta tölublaði Skessuhorns sem kemur út í dag. | 
