Þrátt fyrir að Skagamenn eigi efnilega unga markmenn þykir of mikið að leggja allt traust á þá. Guðjón segir í samtali við Skessuhorn að nánast útilokað sé að fá íslenskan markmann þegar þessi tími er kominn. „Ég þekki vel til í Englandi og Skotlandi og er líka að skoða markaðinn á Norðurlöndunum. Það sem ég vonast eftir er markmaður sem þarf virkilega á því að halda að sanna sig og er tilbúinn að takast á við þetta verkefni,“ segir Guðjón.
Vangaveltur hafa verið uppi um að Árni Gautur Arason komi til liðs við Skagamenn frá Afríku. Guðjón segir að það sé nánast útilokað. Árni hlyti í framhaldinu að skoða framtíðarfélag, þannig að ef hann vildi ekki koma heim til framtíðar gæti hann lent í sömu stöðu og Stefán Þórðarson, en Stefán fékk sem kunnugt er ekki heimild fyrir því að spila í Svíþjóð sem lánsmaður fram á sumar. Það er vegna þess að leikmanni er óheimilt að fara á milli þriggja félaga á sama árinu. | 
Oft hefur verið sagt að markvörðurinn geti verið hálft liðið. Það eru einmitt markmannsmálin sem eru akkillesarhæll Skagaliðsins fyrir komandi Íslandsmót. Ljóst er að bakmeiðsli Páls Gísla Jónssonar eru það slæm að hann geti orðið frá í talsverðan tíma, í versta falli allt tímabilið. Guðjón Þórðarson þjálfari er mikið í símanum þessa dagana, í leit að markmanni, bæði á Bretlandseyjum og Norðurlöndunum.