 |
Kvenfélagskonur með kústana góðu. | “Einni félagskonunni datt þetta í hug og við kýldum bara á það,” segir Kristín Vigfúsdóttir formaður Kvenfélags Ólafsvíkur en meðlimir félagsins tóku sig til og máluðu 100 strákústa í fjáröflunarskyni. “Við erum búnar að sitja hér sveittar að handmála öll kvöld í Hróahúsi. Þetta er búið að vera alveg ofboðslega gaman.”
Um fimmtíu konur eru meðlimir í kvenfélaginu og Kristín segir að þær séu meira og minna mjög listhneigðar enda bera kústarnir þess greinileg merki. “Við erum að mála ýmislegt á kústana. Það fer bara eftir því hvað hverri og einni er til lista lagt,” segir Kristín og nefnir rósir, fugla, fiðrildi, hús, sólblóm, fiska, blómaker og maríuhænur sem dæmi um myndefni.
|
