 |
Tekið við lyklunum úr hendi oddvitans | Laufey Jóhannsdóttir tók formlega við starfi sveitarstjóra Hvalfjarðarsveitar í gær. Þá var undirritaður ráðningarsamningur við hana. Í nógu var að snúast fyrir nýjan sveitarstjóra á fyrsta degi en meðal fyrstu verka hennar var að taka þátt í dómgæslu á firmakeppni hestamannafélagsins Dreyra, ásamt Gunnari Sigurðssyni forseta bæjarstjórnar Akraness og Ólafi Þór Haukssyni sýslumanni á Akranesi. Við það tækifæri afhenti Laufey félögum í Dreyra 300 þúsund króna gjöf frá Hvalfjarðarsveit í tilefni 60 ára afmæli Dreyra á þessu ári.
|
