 Framleiðsla á kjöti í apríl nam 1.777 tonnum og var 33,4% meiri en í apríl 2007. Framleiðsla jókst á öllum kjöttegundum. Salan reyndist 14,4% meiri en í sama mánuði í fyrra og nam 2.237 tonnum. Mest jókst sala á nautakjöti, um 40%, sem lætur nærri að svara til framleiðsluaukningar í mánuðinum. Næstmest jókst sala á svínakjöti, eða um 33,5%.
Síðastliðna 12 mánuði nam sala á kjöti 25.056 tonnum, 4,5% meira en næstu 12 mánuði á undan. Mest hefur sala á alifuglakjöti aukist, um 12,1%, nautakjöt um 10,7% og svínakjöt um 2,7%. Alifuglakjöt styrkir enn stöðu sína með mestu markaðshlutdeildina, eða 30,6%, kindakjöt hefur 27,4% hlutdeild og svínakjöt 24,6%.
|
