 Útgerð Guðmundar Runólfssonar hf. í Grundarfirði er nú að taka í notkun nýja gerð toghlera fyrir skip sín. Hlerarnir, sem koma frá Hampiðjunni, eru minni um sig og léttari en þeir sem notaðir voru áður. Hönnun þeirra er líka þannig að þeir eiga að veita minni mótstöðu í drætti. „Þetta er gert til að minnka olíukostnaðinn og veitir ekki af,” segir Ingimar Hinrik Reynisson skipstjóri á Hring SH og bætir við að ummál hleranna sé einum fermetra minna en þeirra fyrri og þeir eru jafnframt 400 kílóum léttari.
|
