 Í desemberblaði hins virta tímarits National Geographic er síðuumfjöllun um æðarfugl og dúntekju hér á landi. Stutt, en hnitmiðuð greinin, segir meðal annars frá því að um 700 þúsund æðarfuglar byggi hreiður sín hér á landi. Þá séu um 400 Íslendingar, flestir á vestanverðu landinu, sem nýti hreiðurgerð æðarfuglsins til dúntekju í góðri sátt milli manns og fugls. Greinin er síðan myndskreytt af Ragnari Th Sigurðssyni ljósmyndara sem myndaði Magnús Guðbjarnarson í Straumfirði á Mýrum við dúntekju síðastliðið vor. Mikið má vera ef slík landkynning skilar ekki nokkrum ferðamönnum hingað til lands næsta sumar.
|
