 Menntamálaráðuneytinu bárust 10 umsóknir um stöðu skólameistara við Fjölbrautaskóla Snæfellinga, en umsóknarfrestur rann út sl. föstudag. Guðbjörg Aðalbergsdóttir núverandi skólameistari hefur verið skipaður skólameistari nýs framhaldsskóla í Mosfellsbæ sem taka mun til starfa á næsta hausti. Menntamálaráðherra skipar í stöðu skólameistara FSN til fimm ára að fenginni umsögn skólanefndar.Umsækjendur um stöðuna eru: Berglind Axelsdóttir íslenskukennari, Daníel Arason kennari, Hrafnhildur Hallvarðsdóttir kennari, Hreinn Þorkelsson enskukennari, Jóhannes Ágústsson framhaldsskólakennari, Kristín Helga Guðmundsdóttir framkvæmdastjóri og kennari, Kristján Kristjánsson verkefnastjóri, Lilja Mósesdóttir hagfræðingur, Pétur V. Georgsson framhaldsskólakennari og Skúlína Hlíf Kjartansdóttir forstöðumaður.
|
