 Thelma Hrund Sigurbjörnsdóttir 30 ára iðjuþjálfi, borin og barnfæddur Akurnesingur, hefur verið ráðin forstöðumaður endurhæfingarhússins HVER og mun koma til starfa á næstu dögum. Alls sóttu átta um starfið og stóðust þrír umsækjendur kröfur um menntun og starfsreynslu. Thelma Hrund þótti þar standa nokkuð framar öðrum vegna vinnu sinnar tengdri starfsemi Hver, þar á meðal í menntasmiðjunni Glóð á Akranesi á sínum tíma, sem var eitt fyrsta atvinnutengda úrræðið fyrir öryrkja á Vesturlandi, að sögn Sveinborgar Kristjánsdóttur félagsmálastjóra hjá Akraneskaupstað.
|
Hver var opnað formlega um mitt síðasta ár. Sigurður Sigursteinsson hefur veitt endurhæfingarstöðinni forstöðu en hverfur nú til annarra staða. Í HVER hefur breiður hópum fólks komið saman til að skapa sér viðfangsefni og félagsskap, m.a. með það að markmiði að brúa bil út á vinnumarkað að nýju. HVER er ætlað öryrkjum, fólki með geðræn vandamál, atvinnulausum og öðrum sem búa við félagslega einangrun.
|
