 Næstkomandi föstudag hefur göngu sína ný uppákoma á Sögulofti Landnámsseturs Íslands í Borgarnesi. Þar stígur rithöfundurinn og sagnamaðurinn Einar Kárason á stokk og segir efni Sturlungu. Einar kallar sögu sína Stormar og styrjaldir.
Einar hefur á undanförnum árum kafað undir yfirborð Sturlungu og sett söguefnið fram á nýstárlegan hátt í bókunum Óvinafagnaður og Ofsi. Þar lætur Einar persónur Sturlungu, sjónarvotta atburðanna og gerendur segja okkur frá í fyrstu persónu. Með þessum stíl færir Einar okkur eins og inn í atburðarásina, varpar nýju ljósi þau voðaverk sem framin voru. Við hittum fyrir fólkið sem ber ábyrgð á því hvernig fór og heyrum þeirra sjónarhorn, því allir hafa jú sínar ástæður. Þetta er svoldið eins og við séum að heyra um viðburði sem gerðust í gær, hlusta á viðtöl við fólkið sem var í hringiðu atburðanna.
Einar hlaut Bókmenntaverðlaun 2009 fyrir Ofsa,” segir í fréttatilkynningu frá Landnámssetrinu.
| 
