 Í kvöld frumsýnir Nemendafélag Fjölbrautaskóla Vesturlands í Bíóhöllinni söng- og leikverkið Stone Free í leikstjórn Björns Inga Hilmarssonar. Frá áramótum hefur 40 manna hópur nemenda úr skólanum unnið hörðum höndum að æfingum og uppsetningu sýningarinnar. Skipulagning er í höndum Elsu Þorbjarnardóttur, Ástu Þorsteinsdóttur og Halldóru Guðjónsdóttur. Þeir sem fylgdust með lokaæfingum á söngleiknum segja að mikil og lífleg skemmtun sé hér á ferðinni, en sýningin tekur um tvo tíma og byrjar í kvöld klukkan 20. Elsa Þorbjarnardóttir segir að nær upppantað sé á sýninguna í kvöld, þegar sé komið þónokkuð á sunnudagssýninguna og einnig líti vel út með aðsókn á sýninguna nk. miðvikudag.
|
