 Hinn árlegi Músíkfundur á Vesturlandi, svokölluð TónVest hátíð, fór fram í Tónbergi, sal Tónlistarskólans á Akranesi í dag. Þar fluttu nemendur tónlistarskólanna á Snæfellsnesi, Borgarbyggð, Dölum og Akranesi vandaða tónlistardagskrá. Stóðu tónleikarnir yfir í um klukkutíma og þarna kom fram þverskurður að því sem fram fer í tónlistarskólunum. Kynnir á tónleikunum var Friðrik Vignir Stefánsson, sem var tónlistarkennari í Grundarfirði þegar TónVest var hleypt af stokkunum. Þá beitti Friðrik sér fyrir því að öllum þátttakendum væri boðið í pizzuveislu að tónleikum loknum og hefur sá siður haldist síðan. Hersingin hélt því í Galito að tónleikunum loknum.
Meðfylgjandi mynd er af lokaatriði TónVest en það kom frá Stykkishólmi. Þar léku Sigrún Eir Þorgrímsdóttir, Soffía Oddsdóttir og Símon Karl Sigurðsson lmeð aðstoð þeirra Benedikts Óskarssonar og Berglindar Gunnarsdóttur.
|
