 Peningastefnunefnd Seðlabanka Íslands hefur ákveðið að lækka stýrivexti um 2,5 prósentur í 13,0%. Vextir daglána lækka einnig um 2,5 prósentur en aðrir vextir Seðlabankans lækka um þrjár prósentur. Klukkan 11 í dag verða færð rök fyrir vaxtaákvörðuninni og efni Peningamála kynnt á fundi með blaðamönnum, sérfræðingum ýmissa stofnana, háskóladeilda og samtaka í tilefni af ákvörðun peningastefnunefndar um að lækka stýrivexti um 2,5 prósentur. Stýrivextir Seðlabanka Íslands hafa á skömmum tíma eða frá því í mars, lækkað vexti úr 18,0% niður í 13%. Það var þann 28. október í fyrra sem bankastjórn Seðlabanka Íslands ákvað að hækka stýrivexti um 6 prósentur í 18%.
www.mbl.is greindi frá
|
