 |
Frá Skallagrímsgarði. Ljósm. Eva Summ | Sýning leikhópsins Lottu á leikritinu um Rauðhettu, Hans og Grétu og Grísina þrjá var í Skallagrímsgarði í Borgarnesi í gær. Þrátt fyrir úrhellisrigningu meðan á sýningunni stóð létu börn og fullorðnir það ekkert á sig fá, enda athyglin fönguð við góða sýningu. “Leikritið var svo skemmtilegt að við gleymdum veðrinu,” sagði fullorðinn gestur sem þarna var ásamt barnabörnum sínum.
Næstu sýningar á Rauðhettu verða á Snæfellsnesi; klukkan 18 í kvöld í Ólafsvík, klukkan 11 á morgun í Grundarfirði og klukkan 15 í Stykkishólmi.
|
