 Mikill fjöldi fólks varð að bíða af sér óveðrið í Borgarnesi í nótt. Þar var fullt á öllum hótelum og gististöðum og margir fengu inni í menntaskólanum og félagsmiðstöðinni. Þá var talsvert um að Borgnesingar opnuðu heimili sín og buðu t.d. fjölskyldufólki með lítil börn að dvelja hjá sér í nótt. "Þarna sýndu margir heimamenn mikla gestrisni að sönnum íslenskum sið og fannst mér afar jákvætt að upplifa hversu fólk var tilbúið til að koma öðrum til hjálpar," sagði Hjörtur Árnason hótelstjóri á Hamri. Þar sem á öðrum gististöðum í Borgarnesi var yfirfullt í nótt og vann Hjörtur sjálfur við að ferja strandaglópa í allt gærkvöld og koma því á náttstað. Nú í morgun vann hann við að koma fólkinu áleiðis í bíla sína.
|
