 Sjö sveitir tóku þátt í Vesturlandsmóti í sveitakeppni sem spilað var um liðna helgi á skemmtistaðnum B-57 í Borgarnesi. Efstu þrjár sveitir verða fulltrúar landshlutans á Íslandsmótinu í lok mars. Í fyrsta sæti varð Stórsveitin, skipuð þeim Kristjáni B Snorrasyni, Karli Alfreðssyni, Hallgrími Rögnvaldssyni og Guðmundi Ólafssyni með 142 stig. Í öðru sæti varð sveit Sveinbjarnar Eyjólfssonar, Lárusar Péturssonar, Jóns Viðars Jónmundssonar og Þorvaldar Pálmasonar með 137 stig. Í þriðja sæti urðu Jón Eyjólfsson, Baldur Björnsson, Stefán Kalmannsson og Sigurður Már Einarsson með 113 stig.
|
