Meginágreiningurinn er um eignarhald sjávarauðlindanna

Guðbjartur Hannesson formaður starfshóps um endurskoðun um fiskveiðistjórnunarkerfið segir að mesti ótti útgerðarmanna í sambandi við endurskoðun á fiskveiðistjórnunarkerfinu sé sá að rífa eigi kvótann af þeim og skilja þá eftir með skuldirnar. Eða breytingar á lögunum auki álögur á útgerðina sem hún geti ekki staðið undir. Á fundi um sjávarútvegsmál á Snæfellsnesi á dögunum veitti blaðamaður Skessuhorns því athygli að Guðbjartur nefndi þar ekki svokallaða fyrningarleið sem allt hefur sett í loft upp í herbúðum útgerðarmanna. „Það er hinn mesti misskilningur að ríkisstjórnin eða stjórnarflokkarnir ætli að rífa kvóta af útgerðum og skilja þær eftir í skuldum. Og það er alls ekki svo að við viljum auka álögur á útgerðina umfram aðra.